Dié wasige teeliggie-houers of luminaires gaan hope atmosfeer in jou huis skep. Maak ’n hele paar vir effek en laat jou kinders jou help, want dis groot pret.

Jy benodig
• kerswas
• ballonne (koop standaard-groottes van dikker rubber)
• handwerk-termometer
• waspapier
• foelie

1 Gooi stukkies kerswas (ons het 1 kg gebruik) in ’n vlekvryestaal-bak en sit dit op ’n kastrol met liggies pruttende water sodat dit kan smelt. Jy kan dit met ’n keelstokkie of metaallepel roer.

Dié dekadente laevet-nagereg sal die koue verdryf sonder dat jy te skuldig hoef te voel.

Genoeg vir: 6-8
Bereidingstyd: 20 minute
Baktyd: 35-40 minute
Oondtemperatuur: 180 °C

• 250 ml (135 g) koekmeel
• 160 ml (140 g) bruinsuiker
• 45 ml (15 g) kakao
• 10 ml bakpoeier
• 15 ml vanielje
• 30 ml kanola-olie
• 125 ml vetvrye melk
• 1 groot eierwit
• 25 ml bruinsuiker
• 75 ml sterk swart koffie
• laevet-roomys of –vla

1 Roer die meel, die 160 ml (140 g) suiker, die kakao en bakpoeier saam in ’n groot bak. Maak ’n holte in die middel.

2 Gooi die vanielje, olie en driekwart van die melk in die holte en roer dit van die kante af in. Roer tot net gemeng. Klits die eierwit tot dit sagte punte vorm en vou dit saam met die res van die melk by die beslag in. Gooi in ’n gesmeerde oondbak.

3 Los die 25 ml suiker in die koffie op en gooi dit oor die beslag. Bak in die verhitte oond vir 35- 40 minute of tot ’n toetspen skoon uitkom. Laat staan vir vyf minute en sit warm voor met laevet- roomys of -vla.

Mardi Gras-woema!

Genoeg vir: 8
Bereidingstyd: 20 minute
Baktyd: 45 minute
Oondtemperatuur: 200 °C

• 260 g (375 ml) mieliemeel of fyn polenta
• 230 g (375 ml) koekmeel
• 15 ml bakpoeier
• 10 ml suiker
• 60-100 ml jalapeño-rissies, gekap
• 250 ml bevrore mielies, gekook en gedreineer
• 1 groot ui, opgesny en gebraai
• 250 ml gerasperde cheddar
• omtrent 300 ml melk
• 2 groot eiers
• 90 ml gesmelte botter

1 Smeer ’n ronde of vierkantige pan van 22 cm of ’n oondvaste gietysterpan.

2 Meng die mieliemeel of polenta, koekmeel, bak- poeier, suiker en 3 ml sout saam en roer dan die jalapeños, mielies, uie en gerasperde kaas by. Klop die melk, eiers en gesmelte botter saam in ’n aparte bak en roer dit dan by die droë bestanddele. Voeg nog ’n bietjie melk by as die mengsel te droog is.

3 Skep die mengsel in die gesmeerde pan en bak vir 30 tot 45 minute in die verhitte oond tot heeltemal gaar. Sny in snye, smeer botter oor en sit voor.

Hier is ’n maklike idee vir ’n lampskerm wat net rondstaan.

Jy benodig
• klokvormige lampskerm (ons s’n het ’n deursnee van 25 cm)
• katoen-dubbelbreidraad in die kleur van jou keuse (ons het een bol van 50 g gebruik)
• 5 mm-breipenne
• grootoog-naald
• mooi lint en/of kant

1 Vir ’n 25 cm-lampskerm, stel 100 steke op met 5 mm-penne. As jy ’n ander grootte lampskerm het, onthou dit kan maar lekker knap sit; breiwerk rek.

2 Brei 50 rye in koussteek (= 1 ry regs, 1 ry aweregs). Kyk elke paar rye hoe baie jy nog moet brei en eindig af as dit lank genoeg is.

3 Draai die breiwerk om die lampskerm en werk die kante aan mekaar vas. Werk die bo- en onderkant aan die skerm vas. bind stukkies lint en/of kant om, en siedaar!

So brei jy aweregs
Hou die breidraad aan die voorkant, steek die regterbreipen deur die voorkant van die eerste steek op die linkerbreipen. Slaan die breidraad om die regterbreipen.

Lampskerm van The Lampshade Studio 082 768 5100

Met dié lekker resepte sal die winter nie naastenby so koud voel nie.

Illustrasie: Hannes Koegelenberg

Vir tradisionele kormakerriegeregte word room gebruik; ons het laevet-ingedampte melk pleks van room gebruik, plus maer hoenderborsfilette om met ’n gesonder weergawe vorendag te kom.

Genoeg vir: 4-6
Bereidingstyd: 5 minute
Gaarmaaktyd: 25 minute

• 10 ml canola-olie
• 1 ui, in skyfies gesny
• 2 knoffelhuisies, fyngedruk
• 1 stuk gemmer van 5 cm, gerasper
• 5 ml elk fyn koljander, komyn, borrie en garam masala
• 125 ml hoenderaftreksel
• 1 groot patat, geskil en in blokkies gesny
• 200 ml laevet-ingedampte melk
• 5 ml mielieblom
• 6 hoenderborsfilette, in blokkies gesny
• 25 ml sesamsaad vars koljanderblare
• 50 ml amandelsplinters, liggies gerooster
• gaar bruinrys of gort om voor te sit

1 Verhit die olie in ’n kastrol en gooi dan die ui, knoffel en gemmer daarin. soteer dit tot sag. Voeg die speserye by en roer dit goed voordat jy die aftreksel bygooi. Voeg nou die patatblokkies by en laat die mengsel prut vir 20 minute of totdat die patat saggekook is.

2 Roer ’n bietjie van die ingedampte melk by die mielieblom en roer dit dan by die res van die ingedampte melk. Gooi dit in die kastrol en verhit die mengsel tot kookpunt. Voeg die hoenderblokkies by en laat dit prut vir 5 minute of tot deurgaar. roer dit liggies.

3 Voeg die sesamsaad en vars koljanderblare by en geur dit na smaak. Sprinkle die amandelsplinters bo-oor en sit die gereg voor met bruinrys of gort.

Hoekom is dit goed vir jou?
• Amandelsbevatgesondevette, vitamiene en proteïene.
• Speseryesoosborrieengemmer bevat anti-inflammatoriese samestellings wat dalk die risiko op ouderdomsverwante siektes soos Alzheimer se siekte kan verlaag.
• Die antioksidante in knoffel en uie kan ’n mens teen hartsiektes en kanker beskerm.
• Patats bevat baie vitamien C, kalium en kalsium.

Verwante artikel
Gebakte sjokolade-en-bosbessiepoeding (Laag in vet)

Brei vir jou dié dik, warm kombers en geniet jou winterslaap.

Grootte
220 x 250 cm

Jy benodig
• 18  x100 g-bolle Elle Family Knit Chunky in Stone kleur no. 048
• 7 mm-sirkelbreipen
• 7 mm-hekelpen

Spanning
12 ste en 16 rye = 10 cm oor ks met 7 mm-penne.

Voor jy begin
Dit kan baie stremming op jou gewrigte en skouers plaas om sulke groot stukke te brei, daarom is dit ’n goeie plan om ’n groot skinkbord op jou skoot te sit om van die gewig te dra. Wanneer een ry voltooi is, draai net die skinkbord om sodat die regte kant van die volgende ry na jou toe wys sonder dat jy die werk aanhoudend hoef op te lig en te draai.

So brei jy die reghoek
Stel 131 ste op met die 7 mm-sirkelpen en brei in dubbele mos-st soos volg:

1e ry (RK): * r1, aw1; her van * tot by laaste st, r1.

2e ry: * aw1, r1; her van * tot by laaste st, aw1.

3e ry: * aw1, r1; her van * tot by laaste st, aw1.

4e ry: * r1, aw1; her van * tot by laaste st, r1.

Dié 4 rye vorm die pat.
Brei in pat verder tot werk 125 cm van die beg is, eindig met ’n VK-ry.
Heg al die ste in pat af.
Brei nog drie reghoeke net so.

Afwerking
Blok die dele volgens mate, maar moenie pars nie. Die breiwerk sal uitsak omdat dit swaar is en sal met die tyd dalk effens groter word. Sit twee reghoeke op mekaar met die VK teen mekaar. Gebruik die 7 mm-hekelpen, hekel in die randsteke sodat dit ooreenkom en hekel die twee stukke met kb aan mekaar. Dié steek sal ’n naat met ’n verhewe rand vorm. Doen dieselfde met die ander twee reghoeke. Heg nou die twee stroke van twee reghoeke aan mekaar om die kombers te voltooi.

Wenk Die patroon vir die reghoeke is nie moeilik nie, maar jy moet jou aandag by die werk hou wanneer jy die rye brei. As ’n fout gemaak word, sal dit baie opsigtelik wees en die voorkoms van die kombers bederf. Skryf rye een tot vier op ’n stukkie papier neer en merk elke ry wat jy voltooi, telkens af. As jy klaar brei vir die dag, Voltooi liefs ’n hele ry, want as steke in die middel van ’n ry gehou word, kan die breidraad rek en die steke lelik lyk.

Dié sjokoladepoeding sal jou soettand bevredig sonder dat jy in die proses vragte kilojoules verorber.

Genoeg vir: 4-6
Bereidingstyd: 10 minute
Baktyd: 45 minute
Oondtemperatuur: 180 °C

• 60 ml droëbosbessies, grofgekap
• 25 ml kookwater
• 2 groot eiers (teen kamertemperatuur)
• 85 ml strooisuiker
• 170 ml bruismeel
• 15 ml kakaopoeier
SOUS
• 125 ml bruinsuiker
• 30 ml kakaopoeier
• 300 ml kookwater
• 50 g donkersjokolade (met 70% kakao), gesmelt

1 Gooi die kookwater oor die bosbessies en laat dit eenkant trek.

2 Klits die eiers tot dit lig en donsig is. Gooi die strooisuiker by en klop dit tot dik.

3 Sif die bruismeel en kakaopoeier oor die eiermengsel en vou dit in saam met die bosbessies en water. Skep die beslag in ’n gesmeerde oondvaste bak of individuele bakkies – dit moet driekwart vol wees.

4 Sous Meng die bruinsuiker en kakaopoeier saam. Roer die kookwater by. Gooi dit stadig oor die agterkant van ’n lepel oor die beslag. Bak dit vir 45 minute in ’n warm oond (20 minute indien jy individuele bakkies gebruik). Haal dit uit die oond en laat dit eenkant staan vir 15 minute. Sit die poeding voor met gesmelte sjokolade bo-oor.

Hoekom is dit goed vir jou?
• Donkersjokolade bevat baie minerale en flavonoïede. Flavonoïede is fitochemiese plantpigmente wat optree as natuurlike antioksidante en die vrye radikale neutraliseer wat liggaamsweefsel kan beskadig.

• Bosbessies is ryk aan antioksidante en kan help om infeksies van die urineweë te voorkom.

Verwante artikel
Hoender-en-patatkorma (Laag in vet en geskik vir diabete)

Verander jou liggaam in ’n doeltreffende energieverbrander – dis makliker as wat jy dink.

Om gewig te verloor en ’n gesonde gewig te handhaaf, moet jou metabolisme behoorlik funksioneer. Metabolisme is, eenvoudig gestel, die tempo waar- teen jou liggaam kilojoules verbrand. Faktore soos stres, jou dieet, gene, hormone en ouderdom het ’n invloed daarop, maar daar ís maniere om jou metabolisme in topversnelling te kry.

Geniet kleiner etes
‘Gereelde klein etes hou jou bloedsuiker stabiel en jou meta- bolisme aan die gang. Dit gee jou energie en hou kosdrange in toom,’ sê Celynn Erasmus, ’n dieetkundige. Sy stel voor dat daar nie langer as vier uur tussen maaltye of peuselhappies verloop nie. ’n Happie behoort aan dié voedingsriglyne te voldoen:
• Dit moet tussen 300 en 500 kilojoules verskaf.
• Dit moet hoogstens 10 g vet bevat (5 g as jy gewig wil verloor).
• Dit moet veselryk wees.
• Dit moet vitamiene en minerale bevat.
• Die koolhidrate moet glukose stadig vrystel, met ’n gluke- miese indeks (GI) van minder as 60 (intermediêr of laag) en ’n glukemiese lading (GL) van tussen vyf en 10 (laag).

Onthou, moet jouself nooit uithonger nie. As jy minder as 4 200 kilojoules per dag inkry, sal jou liggaam dink jy is onder- voed en jou metabolisme sal stadiger word.

Moenie ontbyt oorslaan nie
Dieselfde gebeur as jy nie ontbyt eet nie: Jou metabolisme neem af en jou liggaam begin energie (en vet!) opgaar. Ontbyt skop jou metabolisme aan die gang en gee jou energie regdeur die dag. ‘Mense wat ’n gesonde ontbyt eet, het meestal minder gewigs- en gesondheidsprobleme as dié wat nie ontbyt nuttig nie,’ sê Celynn. Probeer met nuwe idees vorendag kom. Eet byvoorbeeld ’n bord gebakte groente pleks van ontbytgraan.

Eet vroeër in die dag
Aandete moet jou ligste maaltyd wees. Probeer om nie later as drie tot vier uur voor slapenstyd te eet nie, sodat jou liggaam tyd het om die kos te verteer en te verbrand.

Drink baie water
As jy nie genoeg water drink nie, kan jou liggaam eweneens in ’n opgaarmodus ingaan. Meer as 90% van die chemiese reaksies in jou liggaam gebeur in water. Water ontgif jou liggaam en help jou niere funksioneer, wat die lewer meer tyd gee om vet te metaboliseer. Drink water regdeur die dag – volgens die nuutste aanbevelings tussen 1,5 en 2,5 liter per dag.

Kry genoeg B-vitamiene in
As jy gedurig tam is, maak seker jy neem genoeg B-vitamiene in, veral vitamien B12. Kos wat ryk is hieraan sluit in laevet-suiwelprodukte, groen blaargoentes en volgraankosse soos koring en hawer. Oorweeg ook ’n B-kompleks-aanvulling.

Voeg rissies by jou dieet
Rissies help nie net om jou gestel te versterk nie. Die hitte wat jy voel nadat jy sterk kos geëet het, vereis ook dat meer kilojoules verbrand word. Daar is bevind dat selfs rooi soetrissies stowwe bevat wat meer as 20 minute nadat jy dit geëet het, jou liggaam se hittevrystelling en suurstofverbruik verhoog.

Hou by lae-GI-kosse
Dié koolhidrate hou jou bloedsuiker stabiel en jou insulienvlak laag nadat jy geëet het.

Slaap genoeg
Navorsing toon dat mense wat nie genoeg slaap nie, geneig is om gewig op te tel. Dit kan wees omdat jou liggaam homself herstel en vernuwe terwyl jy slaap.

Oefen reg
‘Die beste oefeninge om jou metabolisme te versnel is dié wat maer spiere bou en in stand hou, waaronder oefeninge met gewigte en weerstandsoefeninge soos swem,’ sê Celynn. Voeg dit twee of drie keer per week by jou gewone roetine. Spiere verbrand meer kilojoules as vet, en hoe meer spiere jy het, hoe meer kilojoules sal jy verbrand, selfs wanneer jy rus.